بحث عن

المطبخ / مقبلات /

وصفات مقبلات

وصفات مقبلات - هنا hana

الثومية


المقادير


3 معالق كبيرة نشا
كوب إلا ربع مياة
3 فصوص ثوم
4 معالق كبيرة زيت نباتى
معلقة صغيرة عصير ليمون

نص معلقة صغيرة ملح
وصفات مقبلات - هنا hana

طريقة التحضير


نحط النشا مع المياة فى طبق على النار
ونحركها لحد ماتدوب على نار هادية خالص
ونستمر فى التقليب لحد ما الخليط يبقى تقيل
نرفعه من على النار ونسيبه يبرد شويه.

نفرم الثوم ناعم جداً ونحطه فى الخلاط مع عصير الليمون والملح
وصفات مقبلات - هنا hana

وبعدين نضيف خليط النشا ونضربهم لحد ما
قوامهم يبقى متماسك.
نضيف الزيت بالتدريج والخلاط شغال لحد ما
نوصل للكثافة المناسبة واللون الأبيض الكريمى.
لازم نحطها فى الثلاجة على الأقل ساعة قبل التقديم.

وصفات مقبلات - هنا hana

بابا غنوج


المقادير


حبتين باذنجان رومى متوسط الحجم مشوى ومقشر
معلقتين كبار طحينه - 50 جرام زبادى
معلقتين كبار عصير ليمون
معلقتين كبار خل

معلقتين كبار زيت زيتون
4 فصوص ثوم مهروسين
ملح - فلفل أسود - كمون
بقدونس مفروم للتزيين
وصفات مقبلات - هنا hana

طريقة التحضير


نهرس الباذنجان فى طبق بالشوكة أو نفرمه

فى الكبة ونضيف الطحينة والزبادى مع عصير الليمون
والثوم والملح والفلفل والكمون وزيت الزيتون ونقلب كويس.
نزين وجه السلطة بالبقدونس المفروم وزيت الزيتون
ونقدمها سخنة أو باردة حسب الرغبة.
وصفات مقبلات - هنا hana

سلطة الزبادى


المقادير



500 جرام زبادى
3 فصوص ثوم مفرومين
معلقة صغيرة نعناع ناشف
4 أو 5 خيار مبشور ( نعصره ونصفيه من المياة )
زيت زيتون حسب الرغبة
معلقة صغيرة ملح
معلقة صغيرة فلفل أسود

وصفات مقبلات - هنا hana

طريقة التحضير


فى بوله نضيف الزبادى مع الثوم والنعناع الناشف
والخيار المبشور والملح والفلفل الأسود
ونقلبهم مع بعض كويس
وندخلها الثلاجة لمدة ساعة قبل التقديم.
نغرف سلطة الزبادى فى طبق التقديم

ونزينها بنعناع فريش وزيت زيتون.
وصفات مقبلات - هنا hana

سلطة الطحينة


المقادير


فصين ثوم
ملح حسب الرغبة
3 معالق كبيرة عصير ليمون

ماء بارد حسب الحاجة
كوب إلا ربع طحينة
وصفات مقبلات - هنا hana

طريقة التحضير


نهرس الثوم مع الملح ونضيف الطحينة لمدة دقيقتين.
ننزل بشوية مياة ونكمل تقليب ونضيف عصير الليمون
مع التقليب المستمر لحد ما المكونات تتجانس.

نضيف الماء حسب الحاجة لحد ما نحصل على السماكة المطلوبة.
وصفات مقبلات - هنا hana

سلطة سيزر ماك


المقادير


صدر فرخة متشوح ومقطع بالطول
رشة ملح
رشة فلفل أسود

فصين ثوم مفروم
كابوتشى مقطع
جبنة شيدر أو بارميزان مبشورة
5 معالق كبيرة مايونيز
معلقة كبيرة خل
رغيفين خبز محمص
وصفات مقبلات - هنا hana


طريقة التحضير


فى طبق صغير نضيف المايونيز ومعلقة الخل
والثوم ونخلطهم كويس لحد ما الخليط يبقى متجانس.
فى طبق تانى نحط الكابوتشى وقطع صدور الفراخ
ونضيف نصف كمية الخبز المحمص
وبعدين نضيف كمية من خليط المايونيز والخل
ونضيف عليها الجبنة المبشورة.

وصفات مقبلات - هنا hana

كول سلو


المقادير


كوبين كرنب مبشور
كوب جزر مبشور
نصف كوب زبادى
نصف كوب مايونيز

بصلة صغيرة مبشورة
رشة ملح
معلقة كبيرة عسل أبيض
معلقة كبيرة سكر
معلقة كبيرة خل
وصفات مقبلات - هنا hana

طريقة التحضير



فى طبق صغير نضيف البصل المبشور
وننزل بالسكر ونفركهم مع بعض ونسيبهم على جنب.
فى بوله نضيف الكرنب والجزر والزبادى
والمايونيز والملح ونخلطهم كويس مع بعض.
وصفات مقبلات - هنا hana

نجيب الطبق اللى فيه البصل ونصفيه كويس
من أى مياة فيه وننزل بيه على الكرنب والجزر

والزبادى ونضيف الخل والعسل ونقلبهم مع بعض كويس.
ندخلها الثلاجة لمدة ساعة ونقدمها.
وكل ماقعدت فى الثلاجة أكتر كل ما كانت أحلى.
وصفات مقبلات - هنا hana

















انضم الينا الى صفحتنا على الفيس بوك من هنا

المواضيع المتميزة

احدث المقالات

الاكثر اعجابا